மாவட்டம் பற்றி
தஞ்சாவூர் மாவட்டத்திலிருந்து வலங்கைமான் வட்டத்தையும், நாகப்பட்டினம் மாவட்டத்திலிருந்து திருவாரூர், நன்னிலம், குடவாசல், நீடாமங்கலம், மன்னார்குடி மற்றும் திருத்துறைப்பூண்டி ஆகிய வட்டங்களையும் பிரித்து, 01.01.1997 அன்று திருவாரூர் மாவட்டம் தனி மாவட்டமாக உருவாக்கப்பட்டது. இம்மாவட்டத்தில் 2 வருவாய் கோட்டங்கள், 9 வட்டங்கள், 573 கிராமங்கள், 10 ஊராட்சி ஒன்றியங்கள், 4 நகராட்சிகள் மற்றும் 7 பேரூராட்சிகள் உள்ளன.
தென்னிந்தியாவில் கி.பி. 9 முதல் 12-ஆம் நூற்றாண்டு வரை ஆதிக்கம் செலுத்திய சோழ மன்னர்களின் ஆட்சிக்காலத்தில் தஞ்சாவூர் சிறப்பான முக்கியத்துவம் பெற்றது. அவர்கள் சிறந்த ஆட்சியாளர்களாகவும், மிகச்சிறந்த கட்டுமானக் கலைஞர்களாகவும் திகழ்ந்தனர். இங்குள்ள பல கோயில்கள், சிற்பக்கலை, ஓவியக்கலை மற்றும் மரவேலைப்பாடுகளில் அவர்களின் மேதமையையும் கட்டடக்கலைத் திறனையும் பறைசாற்றுகின்றன.
